కౌసుంభ కాంతిధరా
నిశి సంహార తేజోధరా
సకల జీవ ఉత్తాపకరా
ప్రభాకరా నమో నమః
నీ తేజ రహితం మా భుమాత జీవ రహితం
నీ క్షీణ తేజం మా తల్లి మంచు మలయం
నీ వెచ్చని కిరణం మా నేలకు పచ్చని తోరణం
నీ చండ ప్రచండం మా బ్రతుకు భస్మీపటలం
వేల కొట్ల ఏళ్ల పయనం నీది,
తృటి ప్రాయ సమయం మాది,
నిశీధి లో ప్రతిబింబించే
చల్లని వెన్నెల నీది,
అజ్ఞాన నిషాలో జీవించే
అల్ప జీవం మాది
నీ చలువ ఆరు ఋతువులు
ఏడు రోజులు మూడు పుటలు
షడ్రుచులతో ఆవహిస్తున్నాము,
ఈ భుమిని ఆరగిస్తున్నాము,
సర్వం కనుమరుగయ్యేందుకు
నిత్యం మార్గం సుగమం
చేసుకుంటున్నాము
****
No comments:
Post a Comment