ఒంటరితనమే నా ఊర్వశి
ఉన్మాదమే మా తొలి చూలు
ఈ పిచ్చి రాతలే మా ముచ్చట్లు
నిక్కచ్చి ఆలోచనలే మా అగచాట్లు
నాలోనే నాతోనే నా ప్రయాణం
రాత్రే పగలై
పగలే రాత్రియై
రాత్రింబవళ్ళు నే రవినై
నాలోనే నాతోనే నా ప్రయాణం
కాలమే భావమై
భావమే తేజమై
కాల సరితమున నే సత్యాన్వేషణకై
నాలోనే నాతోనే నా ప్రయాణం
శూన్యమే అనంతమై
అనంతమే అంతమై
ఆద్యంతమున నే లయనై
నాలోనే నాతోనే నా ప్రయాణం
త్రుటిలో ధృతినై
ధృతితో జగత్తునై
క్షణ క్షణమున యుగ యుగమున కవినే నేనై
నాలోనే నాతోనే నా ప్రయాణం
నాలోనే నాతోనే నా ప్రణుతం, ప్రణవం,
నాలోనే నాతోనే నా సుదూరపు ఏకాంతపు ప్రయాణం
****
.png)
No comments:
Post a Comment