అలివేణి

 

అలివేణి, ఓ మృగనయని

సరసిజ గుణముల గోమిని

జనని, జన వర ప్రదాయిని

హరి మది వాణి, శ్రీవేణి

వాగ్దేవి, బ్రహ్మ వాక్ ప్రదాయిని

హంస గామిని, సత్య గాయిని

‌కచ్చపి వాదిని, ముఖనివాసిని

వాణీ, వాక్పతి మది నివాసిని

అర్థ హార భామిని, సుహాసిని

కాళీ మాలిని, ఓంకార కారిణి

శక్తి దాయిని, హిమగిరి వాసిని

కాల సంహర్తి కాల ఏలిని, కాత్యాయిని

మాపటేళ గోల

 

ముంగిట్లో మాపటేళ

చీకు చింత లేకుండ

చింతాకు నమ్ములుకుంట

నవ్వారు మంచం పైన

తొంగోని నే పంటే

వయ్యారి పిల్లగాలి

నన్ను గిల్లి గిల్లి

అల్లరేమో పెడుతుంటే ,

నకరాల గువ్వపిల్ల

టింగు టింగుమనుకుంట

రివ్వు రివ్వు పోతుంటే.

మబ్బుసాటు చందమామ

దోబూచులాడుకుంటా

జోల పాట పాడుతుంటే,

అల దూరాన గోదారమ్మ

కాళ్ల గజ్జ కంకాలమ్మ

మువ్వ మువ్వ కదుపుకుంట

పర్వళ్ళేమో తొక్కుతుంటే

ఐమూలాన చూస్తూవుంటే

ఓ తుంటారి పోరాగాడు

నెమలి సామి లెక్క ఉన్నోడు

వెన్న ముద్ద దొంగలించినాడు,

కుండ పగలగొట్టి ఊరుకుతున్నాడు,

వాళ్ల అయ్యేమొ వాడి వెంట

కర్ర బుచ్చుకొని పరిగెడుతున్నాడు

ఇక నేనేమో

ఈ పిచ్చి రాత రాస్తు-ఉన్నాను

ఓ ఎర్రి కూత కూస్తు-ఉన్నాను

కొద్దిసేపట్లో గుర్రు పెట్టి నిద్రపోతాను

...

 सफ़ेद अंग्रेज़ तो चले गए, 

पर खादी रंगरेज़ छोड़ गए..

निज़ाम रज़ाकार तो चले गए, 

पर खाकी थानेदार छोड़ गए...

మనము - నేను

మనము మేమవ్వును

మేము నేనవ్వును

నేను ఏమవ్వును ?

నాడు నేడవ్వును

నేడు రేపవ్వును

రేపు ఏమవ్వును ?

వీరు వారవ్వును

వారు వాడవ్వును

వాడు ఏమవ్వును